Bordi mbikëqyrës i PSA Group ka aprovuar një marrëveshje bashkimi me FIAT Chrysler, duke i hapur rrugën krijimit të një kompanie automobilistike evropiane.
Biznesi i ri, me më shumë se 400,000 të punësuar, bëhet i katërti më i madhi në sektorin e automobilave, me 8.7 milion automjete të shitura me FIAT, Alfa Romeo, Chrysler, Citroen, Dodge, DS, Jeep, Lancia, Maserati, Opel , Peugeot dhe Vauxhall.
Vendimi erdhi pasi “martesa” u miratua nga familja Peugeot.
Të dy kompanbitë njoftuan më 31 tetor se kishin rënë dakord njëzëri për një parim të bashkimit, në të cilin aksionarët e të dy grupeve do të ndanin kapitalin 50/50, pas operacioneve të ndryshme financiare, për të prodhuar një makinë të re globale megafektive, pa i mbyllur ato ekzistuese, raporton AFP.
Bashkimi i PSA dhe FCA do të mundësojë dhjetëra miliarda euro në investime të nevojshme për zhvillimin e makinave elektrike dhe autonome.
PSA dhe FCA kanë vlerësuar se do të kursejnë 3,7 miliardë euro duke u shkrirë në një kompani, xhiroja e konsoliduar e së cilës vlerësohet në 170 miliardë euro.
Me sinergji midis dy grupeve, bashkimi do t’i mundësojë PSA të shfrytëzojë njohuritë e saj për elektrifikimin e makinave në një kohë kur prodhuesit duhet të përshtaten me rregulloret më të rrepta mjedisore dhe që të ofrojë marka me reputacion Alfa Romeo dhe Maserati.
Biznesi i ri do të instalohet në Hollandë. /tesheshi.com/
