Këtë të hënë, Partia Socialiste ka reaguar në lidhje me incidentin në aeroportin e Romës, ku sipas deputetit Talulant Balla, ai është dhunuar fizikishtn nga çifti Jamambër dhe Argita Malltezi.
Sipas PS-së, ky padyshim që është një sulm politik, që është ndërmarrë ndaj të gjithë grupit parlamentar e jo vetëm ndaj një deputeti, pikërisht për shkak të qëndrimeve të tij kundër krimit dhe korrupsionit.
“Goditja e rëndë fizike ndaj Taulant Ballës ka qenë e parapërgatitur, e pabesë dhe e kryer në një koshiencë të plotë si pjesë e një lufte ndër vite të familjes Berisha-Malltezi me Ballën. Goditjen e Ballës ne e konsiderojmë një goditje ndaj gjithë grupit parlamentar të PS për të penguar rrugën e reformave ku jemi përfshirë”, tha deputeti Alfred Peza.
Peza tha se “Kuvendi duhet që të dënojë me ashpërsinë që meriton këtë akt të rëndë ndaj punonjësit të tij dhe që palët ta kthejnë luftën politike në rrugën e arsyes”; e po ashtu që “policia dhe prokuroria të angazhohen, në bashkëpunim me agjencitë policore italiane, në një hetim për t’i shkuar deri në fund së vërtetës dhe për t’i dhënë ndëshkimin e merituar fajtorëve. /tesheshi.com/
