Pak ditë përpara vizitës së Edi Ramës në Nish nis të aktivizohet e ashquajtura “Qendër e përbashkët humanitare serbo-ruse” që ndodhet në qytetin, i cili përpara më shumë se 100 viteve ishte banuar me shumicë nga shqiptarë.
Një eksponent i strukturës së spiunazhit serbo-rus, ka lëshuar një “provokacja” që mund të trazojë ujrat ndoshta më shumë sesa referendumi në Republika Srbska.
Ish-kreu i kundërzbulimit ushtarak serb, Momir Stojanoviç ka folur për portalin e propagandës zyrtare të Kremlinit, “Sputnik” ku thekson se Shqipëria dhe Kosova po shkojnë drejt bashkimit.
Shefi i agjencisë së sigurimit ushtarak serb (VBA), që e ka mbajtur këtë post për një periudhë të gjatë, deklaroi se Hashim Thaçi do të mbajë një referendum në Kosovë për t’ju përgjigjur plebishitit që u mbajt javën e shkuar në Republika Srbska të Bosnjës.
“Pas referendumit në Republika Srbska, dikush po i përgatit shqiptarët e Kosovës që të bëjnë dicka që të vihet Serbia nën presion.
Referendumi për bashkimin e Kosovës me Shqipërinë synon të disiplinojë Beogradin dhe Banja Lukën për gjithçka mund të ndodhë dhe që mund të ndikojë në zgjedhjen e çështjes kombëtare serbe në Ballkan.
Kjo lojë nuk është e shqiptarëve të Kosovës, por e atyre që po bëjnë çorap paqen dhe stabilitetin në Ballkan.
SHBA dhe shtetet e BE-së janë gati të marrin vendime për disa lëvizje shtetesh në Ballkan”, tha Stojanoviç.
Ish-kreu i kundërzbulimit ushtarak serb theksoi më tej se nëse do të mbahet referendum për bashkimin e Shqipërisë me Kosovën, Serbia duhet të marrë masa që ta neutralizojë këtë akt, edhe në arenën politike por edhe konkrete.
“Në të gjithë vendet e ish-Jugosllavisë janë zgjidhur çështjet kombëtare, e vetmja që nuk është zgjidhur është çështja kombëtare serbe. Shumë popuj të Jugosllavisë krijuan Republikën e Sllovenisë, Republikën e Kroacisë, të Maqedonisë, Bosnjë-Herzegovinën, të bazuar tek e drejta e vetëvendosjes. Por kjo e drejtë nuk u zbatua në asnjë rast për serbët. Është e çuditshme heshtja e Beogradit zyrtar ndaj referendumit në Republika Srbska. Miroslav Dodik ka qenë nën presion. Serbia duhet të mbrojë interesat e të gjithë serbëve brenda dhe jashtë Serbisë, thekson Sojanoviq”. /tesheshi.com/
