Një ditë pas zgjedhjeve në Serbi, ku Lugina shqiptare shkon për herë të parë e bashkuar duke synuar tre vende në parlamentin serb, kryeministri Rama iu uroi atyre sukses.
Për shefin e qeverisë shqiptare, pjesëmarrja e lartë në votime është mjaft përcaktuese.
“Uroj nesër pjesëmarrje të lartë në zgjedhje dhe mbështetje masive për Listën e Luginës së Bashkuar! Bashkimi i votës për Luginën e Bashkuar fuqizon zërin e shqiptarëve dhe i jep forcë përfaqësuese një bashkësie që meriton shumë më shumë. Forca vëllezër, bashkimi bën fuqinë!” shkroi Rama.
Nga ana tjetër, edhe ministri i Jashtëm në detyrë Gent Cakaj, i angazhuar personalisht për unitetin politik të Luginës, kërkoi të njëjtën gjë: pjesëmarrjë të madhe. Dhe unitet, sigurisht.
“Edhe njëherë: Pjesëmarrja e lartë e mbështetja masive në zgjedhjet për listën e Luginës së Bashkuar është e një rëndësie të patjetërsueshme!
PO, PO: ekzistojnë edhe mendime ndryshe edhe shumë parti politike, por duhet të ketë vetëm një faktor politik shqiptar në Luginën e Preshevës!
Kjo listë gëzon mbështetjen e plotë të Republikës së Shqipërisë dhe Republikës së Kosovës: kjo duhet të jetë pikëfillimi i një ndërmarrje të përbashkët për Luginën!
Forca vëllezër – bashkimi bën fuqinë!”, shkroi Canaj. /tesheshi.com/
