Aleanca për Teatrin dhe opozita PD-LSI krah saj, organizuan një protestë post-prishje, një ditë pas godina e vjetër e TK-së u rrafshua plotësisht, për t’ja lënë vendin së resë së premtuar e projektuar.
Kreu demokrat Basha u përbetua nga ana tjetër se do çonte pas hekurave dyshen Rama-Veliaj, sapo të vinte në pushtet.
“Të gjitha protestat dhe kudo që të ketë protesta PD-ja do të jetë në krah të tyre. Shpresa e Edi Ramës se përmes frikë dhe terrorit do të shuante shpresën mori fund. Shkatërrimi i teatrit është fillimi i fundit të tiranisë dhe teatrit që Rama ka luajtur 7 vjet. Ky fund do të jetë i shpejtë dhe çlirimtar.
Unë dhe PD-ja i qëndrojmë kontratës për rindërtimin e teatrit në vendin ku ishte si ishte dhe dërgimin para hekurave të atyre që janë përfshirë nga Edi Rama te Erion Veliaj”, tha Basha.
Ndërsa Edmond Budina, kreu protestës nga Aleanca për Teatrin, i kërkoi presidentit Meta që shpëndajë parlamentin, një kërkesë kjo e natyrës politike.
Të vetmet incdidente në protestë ishin ato të një përplasjeje mes vetë protestuesve, pasi disa sosh kërkuan që politika të mos afrohej aty. /tesheshi.com/
