Me qindra emigrantë protestuan në një stacion hekurudhor në kryeqytetin e Hungarisë, Budapest pasi policia mbylli terminalin për t’i ndaluar ata në udhëtimin drejt BE-së.
Turmat e njerëzve thërritën “Gjermani” dhe valëvitën biletat e trenit pasi u detyruan me forcë të largoheshin nga stacioni Keleti në Budapest.
Zyrtarët sqaruan se Hungaria po përpiqet të rikthejë rendin dhe të përforcojë rregullat e BE-së.
Austria ka marrë tashmë 3650 emigrantët e parë nga Hungaria të cilët arritën në Vjenë me destinacion përfundimtar Gjermaninë.
Më herët zyrtarët hungarezë u duk se kishin hequr dorë nga përpjekjet për të regjistruar refugjatët sipas rregullave europiane, sipas të cilave ata duhet të kërkojnë azil në vendin e parë të BE-së ku shkelin.
Gjithsesi, pas mbylljes së shkurtër të stacionit, trenat kanë rinisur funksionimin. /tesheshi.com/
