Mbështetësit e Presidentit në largim të SHBA Donald Trump po mblidhen në Uashington për të protestuar ndaj rezultateve të zgjedhjeve presidenciale të mbajtura në fillim të nëntorit.
Protestat organizohen përpara një seance të të dy dhomave të Kongresit për të konfirmuar rezultatet e zgjedhjeve dhe fitoren e kandidatit demokrat Joe Biden.
Mijëra mbështetës të Trump dolën të martën në rrugët e Uashingtonit nën parullën “Marsh për Trump” dhe policia po merr masa të shtuara sigurie.
Përplasjet midis mbështetësve të Trump dhe grupeve rivale u raportuan gjatë tubimit, ndërsa policia përdori gaz lotsjellës.
Ish-këshilltari i Trump, Roger Stone ishte në drejtim të protestuesve.
Trump tha në Xhorxhia të martën se zgjedhjet presidenciale të nëntorit ishin të parregullta dhe se ai nuk do të pranonte humbjen elektorale.
Ai njoftoi në Twitter se do t’u drejtohej mbështetësve të mbledhur në Parkun Ellipse pranë Shtëpisë së Bardhë. /tesheshi.com/
