Presidenti i Sri Lankës, Gotabaya Rajapaksa u largua nga rezidenca e tij zyrtare në Colombo sot disa minuta përpara se mijëra protestues të sulmonin atë, në një nga protestat më të mëdha antiqeveritare të vendit në disa muaj.
Disa protestues, duke mbajtur flamuj të Sri Lankës dhe të veshur me helmeta, sulmuan rezidencën e presidentit Gotabaya Rajapaksa, sipas imazheve të transmetuara nga stacioni televiziv lokal NewsFirst.
Siç raporton rrjeti televiziv privat Sirasa TV, një turmë protestuesish ka sulmuar pallatin presidencial, i cili deri më tani ruhej rreptësisht.
#BREAKING: Protespers storm inside residence of Srilanka President. Public anger rises. President @GotabayaR has fled his residence. pic.twitter.com/S8I9ExWbJ8
— Aditya Raj Kaul (@AdityaRajKaul) July 9, 2022
Një burim i Mbrojtjes tha se Rajapaksa mbetet presidenti i Sri Lankës dhe është zhvendosur në një vend të sigurt, ku ai mbrohet nga ushtria.
Më herët, mijëra njerëz ishin dyndur në lagjen Colombo ku ndodhen ndërtesat qeveritare, duke brohoritur parulla kundër presidentit dhe duke thyer disa barrikada policie derisa arritën në rezidencën e tij.
Policia qëlloi në ajër, por nuk ishte në gjendje të ndalonte turmën e zemëruar të rrethonte pallatin presidencial, tha një dëshmitar okular.
Video të turmave të protestuesve në zona të ndryshme të pallatit, madje edhe në pishinë, janë postuar në internet.
Protesters enjoying Sri Lanka’s absconding President’s swimming pool! No dictator should remain in illusion that the power is for ever, and when the end comes, it is always violent and nasty. pic.twitter.com/T3ePbkA0gM
— Ashok Swain (@ashoswai) July 9, 2022
Sri Lanka po vuan nga kriza më e keqe ekonomike në historinë e saj. Ajo është përballur me një mungesë të madhe valutore, e cila nuk e lejon të importojë sasi të mjaftueshme ushqimore, karburante, ilaçe dhe mallra të tjera të nevojshme.
Ishulli prej 22 milionë banorësh, pranë Indisë, jeton prej muajsh me ritmet e ndërprerjeve të përditshme të energjisë elektrike, radhëve të pafundme në pikat e karburanteve, racionimit të ushqimeve, inflacionit rekord që ka arritur në 70%.
Protestat paqësore prej disa javësh kanë pasur në qendër dorëheqjen e presidentit Gotabaya Rajapaksa, të cilin shumë qytetarë, edhe si ish-mbështetës të tij, e akuzojnë për keqmenaxhim.
Civil war in Sri Lanka. Angry and hungry crowd storms and conquers the president's palace in the capital Colombo. President and politicians on the run. pic.twitter.com/kiBNLjIcNR
— RadioGenoa (@RadioGenoa) July 9, 2022
Pas shpërthimit të protestave, të gjithë anëtarët e familjes Rajapaksa që morën pjesë në qeveri dhanë dorëheqjen, me përjashtim të presidentit të vendit.
Gotabaya Rajapaksa ka injoruar thirrjet për të dhënë dorëheqjen dhe në maj, pas dorëheqjes së kryeministrit dhe vëllait të tij Mahinda, ai emëroi rivalin e tij Ranil Wickremesinghe si kryeministër.
Policia vendosi një shtetrrethimi në dhe rreth Colombos të premten vonë pasi mijëra studentë që marshuan në shtëpinë e Rajapaksa u ndeshën me gaz lotsjellës nga policia.
Shefi i policisë, i cili në fillim të kësaj jave kishte bërë me dije se autoritetet nuk do të pengojnë protestat paqësore, në një deklaratë të sotme tha se shtetrrethimi do të hiqet deri në orën 08:00 të mëngjesit. /tesheshi.com/
