Presidenti amerikan Donald Trump ka njoftuar se administrata e tij do të vendosë lëvizjen e majtë të Antifa-s në listën amerikane të organizatave terroriste.
“Shtetet e Bashkuara do të përfshijnë (lëvizjen Antifa) në grupin e organizatave terroriste,” shkroi Trump në Twitter.
Në ditët e mëparshme, ai akuzoi lëvizjen dhe “ekstremistët” e tjerë për trazira gjatë protestave për vdekjen e 46-vjeçarit afrikano-amerikan, ku përgjegjësi janw policët e bardhë.
Sipas AFP, presidenti amerikan uroi forcat e policisë në një seri postimesh në Twitter sepse ata arritën të vendosnin kontrollin në Minneapolis.
“Anarkistët e udhëhequr nga Antifa u mundën shpejt. Kryebashkiaku ishte dashur ta bënte këtë që në mbrëmjen e parë, kështu që nuk do të kishte asnjë problem,” shkroi ai.
Me këtë, ai synoi Jacob Frey, kryetarin demokrat tw Bashkisë të atij qyteti të madh në veri të vendit, nga ku protestat u përhapën pas arrestimit fatal të 46-vjeçarit George Floyd, e nga nga ku një filmim i tmerrshëm shëtiti botën.
Oficeri Derek Chauvin, një njeri i bardhë që shtyp qafën e Floydit me gjurin e tij për disa minuta, u arrestua të premten dhe u akuzua për “vrasje”.
Sekretari i Drejtësisë William Barr tha në një deklaratë se FBI ishte përgjegjëse për të gjetur organizatorët e trazirave.
Sipas tij, dhuna e iniciuar dhe kryer nga Antifa dhe grupe të tjera të ngjashme, të lidhura me trazirat, përbëjnë terrorizmin e brendshëm dhe do të trajtoheshin në atë mënyrë.
“Trazirat e dhunshme të organizuara dhe të udhëhequra nga Antifa dhe grupe të ngjashme janë terrorizëm i brendshëm,” tha ai në një deklaratë. /tesheshi.com/
