Policia e Tiranës ka vendosur të proçedojë një pjesë të kastës drejtuese të PD-së, përfshirë dhe kreun Basha, në lidhje me rolin e tyre në një prej protestave të këtyre ditëve, atë të 23 nëntorit, te Unaza. Burime thonë se Basha, së bashku me deputetët Ervin Salianji, Klevis Balliu, Flamur Noka, Genc Pollo, Gent Strazimiri, Aldo Bumçi dhe Enkelejd Alibeaj, akuzohen për organizim dhe pjesëmarrje në grumbullime të paligjshme, prishje e qetësisë publike dhe pengim i qarkullimit të automjeteve.
Ky zhvillim vjen ndërsa ka një acarim më të madh me prapavijë politike, sa i përket çështjes së banorë të “Astiri”, atyre që janë ngritur në protesta pasi projekti i Unazës së re u prek banesat.
Bie në sy që në procedim nuk janë përfshirë eksponentë të LSI-së, po aq aktiv në protesta, madje dhe në fërkime fizike me efektivë policorë, ditën e protestës para parlamentit, të enjten paradite.
Edhe mbrëmjen e së dielës pati protestë, ku i pranishëm ishte dhe kryedemokrati Basha. ai paralajmëroi se do ofrojë fakte për atë që e konsideron aferë korruptive në ndërtimin e Unazës. /tesheshi.com/
