Maqedonia është përfshirë sërish nga protesta popullorë që kanë kërkuar largimin e qeverisë, ndërkohë që Bashkimi Europian i ka kërkuar qeverisë “Gruevski” që të tregohet e matur në reagimin ndaj protestuesve. Policia maqedonase ka marrë masa të forta duke rrethuar me gardh ndërtesën e qeverisë.
Protesta qytetare është mbajtur me akuzën se një funksionar i lartë i rojeve të kryeministrit ka vrarë një qytetar të pafajshëm. Protestuesit u drejtuan drejt godinës së qeverisë, por u penguan nga forcat speciale policore. Incidenti i djeshëm para qeverisë ku u plagosën më shumë se 20 demonstrues dhe mbi 30 policë e ka agravuar më shumë stuatën.
Në mesin e protestuesve sot kanë qenë prezeentë edhe gati të gjithë përfaqësuesit e opozitës maqedonase. Protestuesit janë ndaluar që t`i afrohen Qeverisë dhe se kjo u pamundësua nga numri i madh i njësiteve speciale policore që kanë formuar kordone të forta. Qytetarët pas kësaj janë drejtuar në drejtim të Parlamentit, me ç`rast po shtohen radhët e protestuesve dhe përkrahja e qytetarëve.
Protesta janë zhvilluar edhe në Manastir dhe Prilep.Protestuesit kanë marshuar rrugëve të këtyre qyteteve duke kërkuar dorëheqjen e Qeverisë dhe kryeministrit Nikola Gruevski. Qeveria në Shkup ka përforcuar masat duke rrethuar me gardh ndërtesën e saj
BE
Komisioneri i Bashkimit Europian për Zgjerimin, Johanes Hans a deklaruar në mënyrë direkte se “Maqedonia aktualisht ndodhet në krizë serioze, nga e cila mund të dilet vetëm me gjetjen e një zgjidhjeje politike, por edhe juridike”.
Hahn ka shprehur shqetësimin e Brukselit për krizën në të cilën ndodhet vendi, duke kërkuar moslejimin e thellimit të saj.
“Situata në Maqedoni është tejet serioze dhe shkakton shumë dhembje koke për ne, pasi nuk është më e pranueshme të ketë situata ku opozita nuk është në Kuvend, ndërsa ekziston edhe përgjimi, që kërkon hetime të thella. Bëjmë thirrje për trajtim politik të kësaj çështje në Kuvend me themelimin e komitetit për hetime, por të ketë edhe hetime të mëtejme nga prokuroria. Mendoj se këto janë parakushtet për vendin në rrugën e saj drejt BE-së”- deklaroi Komisioneri i BE-së për Zgjerim, Johanes Hahn.
Ai kërkoi nga të gjitha palët që të marrin përgjegjësitë e tyre për gjetjen e zgjidhjes, duke rivendosur dialogun politik dhe kthimin e besimit te institucionet,
akuzat që dalin nga përgjimet të hetohen nga organet kompetente. Po ashtu ai kërkoi respektimin e parimit të pafajësisë, lirisë së mediave dhe të drejtat themelore. Han, kërkon nga të gjitha partitë politike të angazhohen për shmangien e tensioneve politike dhe ndëretnike.
“Komisioni Evropian i ndjek nga afër të gjitha zhvillimet dhe u ndihmon eurodeputetëve që janë lehtësues të bisedimeve mes partive politike”, tha Hahn, i cili kërkoi urgjentisht të gjendet zgjidhje e qëndrueshme për perspektivën e popullit në Maqedoni.
/tesheshi.com/
.
