Në mes të një vape përvëluese që është jo e zakontë për muajin maj ka nisur protesta e paralajmëruar e opozitës pas 84 ditësh që u ngrit çadra në bulevard. Ndryshe nga sa është folur në media për mundësinë e akteve të dhunshme, organizatorët kanë dhënë sinjalet e një proteste paqësore.
Shenja e parë e paqes ishte ardhja në Bulevard e kreut të PD-së Lulzim Basha me dy vajzat dhe bashkëshorten për dore si një ‘’garanci’ se në protestën e mëvonshme nuk do të kishte trazira.
Gjithashtu organizatorët kanë angazhuar rreth 2700 anëtarë e vullnetarë të PD-së si një rrip sigurie rreth bulevardit për të mos lejuar asnjë incident.
Në podium janë ngjitur qytetarë të zakonshëm, mbështetës të protestës për të folur, ndërsa lideri i PD-së, Lulzim Basha me në krah ish-kreun e saj Sali Berisha po qëndrojnë me protestuesit.
Në protestë është edhe Majlinda Bregu, deputetja kritike brenda PD-së për bojkotin e zgjedhjeve nga ana e opozitës./tesheshi.com
