Komisioni Evropian propozoi, në një takim të Nismës së Evropës Qendrore dhe Juglindore mbi Ndërlidhjen e Sistemeve të Gazit (CESEC), një instrument financiar me vlerë 750 miliardë euro, i cili do të mundësojë mobilizimin e investimeve private në sektorin e energjisë.
Pjesëmarrësit në takim shprehën gatishmërinë për të forcuar bashkëpunimin rajonal, koordinimin dhe solidaritetin, të cilat janë të nevojshme për të adresuar sfidat e energjisë me të cilat përballet rajoni.
Për të kontribuar në rimëkëmbjen ekonomike, KE propozoi instrumentin financiar të Brezit të ardhshëm të BE, me vlerë 750 miliardë euro.
Investimi në sektorin e energjisë nën Planin e Gjelbër Evropian për të arritur neutralitetin e klimës deri në vitin 2050, siç u theksua, mund të kontribuojë ndjeshëm në rimëkëmbjen dhe të hapë mundësi për rritje dhe punësim.
Vetë CESEC do të kontribuojë në përcaktimin e përparësive për investimet e energjisë në rajon dhe zbatimin e projekteve të reja për të mbështetur rimëkëmbjen e gjelbër.
Në këtë kontekst, ministrat shkëmbyen mendime mbi potencialin e burimeve të ripërtëritshme të energjisë në rajonin e CESEC, bazuar në prezantimin e Drejtorit të Përgjithshëm të Agjencisë Ndërkombëtare të Energjisë së Ripërtëritshme (IRENA). /tesheshi.com/
