Gruaja që hetoi rastin “Pronto” në Kosovë, një dosje delikate me emra të njohurnga politika, ka denoncuar një kërcënim ndaj saj. Fjala është për Prokuroren e Prokurorisë Speciale Drita Hajdari.
Ishtë zëdhënësi i Policisë së Kosovës që e konfirmoi denoncimin e znj. Hajdari, duke thënë se “mund të konfirmojmë se e njejta sot është paraqitur në stacion policor, për ta raportuar një rast, për të cilin është duke u intervistuar. Rasti do të trajtohet nga njësitet relevante policore, në bashkëpunim dhe koordinim me prokurorine kompetente”.
Ndërkohë, një prej emrave që ajo hetoi, Adem Grabovci, ish-kreu u deputetëve të PDK-së, reagoi duke thënë se “është e papranueshme çdo formë e kërcënimit apo fyerje në drejtim të zyrtarëve të drejtësisë”.
“I ftoj organet e relevante që raste të tilla të jenë prioritet dhe të zbulojnë akterët dhe t’i sjellin para drejtësisë”, theksoi Grabovci. /tesheshi.com/
