Nën akuzën për “pastrim të produkteve të veprës penale”, prokuroria e Tiranës ka kërkuar 6 vite burg për ish kreun e VEFA-s, Vehbi Alimuçaj. Gjykimi është zhvilluar me procedurë të shkurtuar dhe në përfundim prokuroria kërkon dënimin me 4 vjet burgim.
Ndërkohë, për të njëjtin fakt penal, Gjykata e Tiranës ka pranuar kërkesën e Prokurorisë pak muaj më parë dhe ka dënuar me 4 vjet burgim edhe djalin e tij, Artan Alimuçaj.
Vehbi Alimuçaj është dënuar për veprën penale të “mashtrimit” për një numër shumë të madh personash, rezulton se ka pasur një llogari bankare në një bankë në Hungari në shumën 328 mijë dollarë.
Në të njëjtën bankë, djali i tij, Artan Alimuçaj ka pasur një llogari bankare në shumën 647 mijë dollarë. Sipas hetimit të prokurorisë, rezulton se këto para janë të prejardhura nga aktiviteti i paligjshëm “mashtrim” i Vehbi Alimuçaj deri në vitin 1997, kohë kur u rrëzua skema e tij piramidale. /tesheshi.com/
