Kryeprokurori i Krimeve të Rënda, Besim Hajdarmataj, ai që ka firmosur kërkesën për arrestimin e Saimir Tahirit, bën të ditur në shkresë se përveç përgjimeve të dala nga drejtësia italiane, akuza ka edhe prova të tjera që akuzojnë ish-ministrin e Brendshëm.
Sipas prokurorisë, Saimir Tahiri ka udhëtuar 4 herë në Itali me Artan Habilajn, vëllain e Moisiu Habilajt.
Sipas Prokurorisë, ndërsa Tahiri e ka shitur makinën e tij Audi në vitin 2013 për Artan Habilajn, ai ka udhëtuar së bashku me të në Itali edhe një vit më vonë.
Prokuroria bën të ditur se ka të dhëna se në këtë makinë është trafikuar edhe kanabis cativa.
Prokuroria akuzon se Moisi Habilaj ka përfituar nga lidhjet e ngushta me Tahirin kundrejt shpërblimeve, ndërsa ish-ministri dyshohet se ka siguruar paprekshmërinë e grupit kriminal, që vepronte në trafikun e drogës Shqipëri-Itali. /tesheshi.com/
