Që kur Karlo Ançeloti u largua nga Bajerni i Mynihut, thuajse çdo javë mediat kanë dhënë nga një destinacion të ri për të.
Italiani është “hedhur” njëherë në krahët e Juventusit, më pas është rikthyer tek Milan, pastaj “është dërguar” në Kinën e largët, por edhe është vënë në krye të Kombëtares së Italisë.
Por sot mediat italiane e japin të sigurtë se Don Karleto ka marrë një ofertë konkrete për të drejtuar Kombëtaren e Kroacisë në Botërorin e Rusisë, vitin e ardhshëm.
Oferta është mjaft “joshëse” për ambiciet e një drejtuesi, pasi Kroacia e mbushur me talente ka të gjithë potencialin për të surpizuar në Botërorin e Rusisë.
Edhe pse duhet të luajë më parë kundër Greqisë në play off, Kroacia konsiderohet favorite dhe me një Ançeloti në pankinë do të ishte një kundërshtar i bezdisshëm për çdo skuadër të madhe që synon titullin.
Ende nuk ka ndonjë përgjigje nga 58-vjecari, por opinioni sportdashës po e ndjek me kuriozitet çështjen, edhe për faktin se Ançeloti ka shumë simpatizantë në të gjithë botën. /tesheshi.com/
