Në Kosovë pasi grevë 1-ditëshe të stafeve arsimore, ku kërkesë kryesore është ajo e të drejtave për e viteve ‘90-të. Por krahas atyre, në grevë kanë dalë dhe njerëz të asaj lëmie që zakonisht shihen vëngër nga opionioni e paragjykohen si të korruptuar: prokurorët.
Ka qenë stafi i Prokurorisë Speciale e Kosovës i cili nga sot e deri të premten do të mbajë nga një orë në ditë grevë, prej orës 09:00 – 10:00.
Greva, siç thonë njerëzit e akuzës, mbahet për shkak të mospërmbushjes së stimulimit në paga, të cilat janë të parapara me Ligjin për Buxhetin e Republikës së Kosovës, gjegjësisht për Prokurorinë Speciale të Republikës së Kosovës (PSRK).
Këshilli Grevist në këtë njoftim rikujton kërkesat e të punësuarve të kësaj prokurorie:
- Kthimin e shtesës në mënyrë retroaktive nga 1 janari i këtij viti;
- Garantimi i kësaj shtese, si shtesë e përhershme, duke rregulluar një herë e përgjithmonë këtë çështje, pa marrë parasysh ngritjen apo mosngritjen e pagave të prokurorëve;
- Kërkesa për avancimin e zyrtarëve ligjorë, të cilët kanë dhënë provimin e jurisprudencës dhe ata të cilët tanimë i kanë dorëzuar kërkesat për avancim, si dhe cilitdo punëtor i cili plotëson kërkesat ligjore për avancim apo ngritje në detyrë në pajtim me dispozitat ligjore. /tesheshi.com/
