Situata është nxehur sërish në Teatrit Kombëtar, ku grupimi që kundërshton prishjen e godinës së vjetër për të ndërtuar aty një teatër të ri, është riaktivizuar edhe njëherë pas lajmeve për një projektligj të hartuar me urgjencë nga qeveria, që do bëjë të mundur kalimin e hapësirës tek ndërtuesi.
E përkthyer kjo si një favor ndaj oligarkëve të ndërtimit e jo si një mundësi për të patur një Teatër Kombëtar krejtësisht të ri, grupimi i dashuruar pas të vjetrit premton reagim ekstrem.
“Ne do ngelemi në teatër, për të qenë prova që qeveria nuk mund të shembë një teatër dhe të ndërtojë një teatër të ri pa e pyetur komunitetin dhe pa e sqaruar se si është ky projekt. Për këtë arsye ne do të qëndrojmë aty. Gjithë artistët do të jenë aty. Do organizojmë edhe një teatër rruge, meqë nuk na i lejojnë ta bëjmë teatrin në kushte normale”, tha Robert Budina, një prej kundërshtarëve të fortë të shembjes së TK-së. Ai, por dhe të tjerë krah tij, thanë se qeveria ka afat deri të premten për të reaguar. /tesheshi.com/
