Michael Bloomberg njihet si kryebashkiaku hebre i Nju Jorkut dhe tani ka shumë mundësi të kandidojë për president të SHBA-së.
Për Nju Jorkun në fakt kjo çështje nuk ishte risi, pasi komuniteti hebre është shumë i gjerë dhe mjaft aktiv.
Madje edhe kryebashkiakët jo hebrenj, marrin këshillat shpesh nga rabinët e komuniteteve përkatëse.
Por nëse miliarderi amerikan vendos të garojë për Shtëpinë e Bardhë, etnia dhe besimi i tij mund të kthehet në problem, pasi do të përbënte hebreun e parë që do të garonte për Presidentin e SHBA.
“Unë mendoj se kjo përbën një arritje të madhe për politikën e SHBA, nëse një person që e quan veten hebre do të kandidojë për president të SHBA-së”, thekson rabini Joseph Potasnik, pjesëtar i bordit të rabinëve të Nju Jorkut.
Hebrejntë në SHBA janë përgjithësisht demokratë dhe një pjesë e tyre marrin pjesë në një krah të Partisë Republikane.
Vetëm në rastin e Senatorit të Konektikatit, Joe Lieberman, një hebre ortodoks dhe demokrat njëkohësisht, u bë i nominuari i parë për zv.president në vitin 2000 dhe kjo krijoi një zhvillim të rëndësishëm.
Ndërmjet viteve 1996 dhe 2000, proporcioni i hebrenjve që votonte demokratët u rrit vetëm 1 përqind, pra shkoi 79%.
Gary Greenebaum, drejtori për çështjet ndërfetare në Komitetin Hebre Amerikan tha se “votuesit hebrenj janë të sofistikuar, pasi ata nuk votojnë për një kohë të gjatë. Ata kanë një tendencë të votojnë politikën dhe jo personin”.
Nëse Bloomberg do të garonte kundër senatores së Nju Jorkut, Hillary Clinton dhe ish-kryebashkiakut republikan Rudy Giuliani, duhet ditur se secili nga këta kandidatë kanë lidhur marrëdhënie me komunitetin hebre.
Bloomberg, 65 vjeç, ka punuar pikërisht me pjesën më fetare të komunitetit hebre.
Ai u ngrit në biznes duke hapur market kosher në Medford, Massachuset, shumë afër Bostonit, dhe kur arriti kohën e bar mitzvah, (pjekurisë sipas ligjit hebre) u shkëput nga komuniteti dhe Potasnik, thotë se nuk e di që ka qenë aktiv.
Por, pasi u pasurua dhe u bë një manjat mediash, Bloomberg ndërtoi sinagogën në qytetin e tij të lindjes, që u emërtua me emrat e prindërve të tij: Tempulli Shalom, Qendra hebraike William and Charlotte Bloomberg.
Bashkësia i përkiste lëvizjes konservatore, por që pësoi ndryshime me kohën.
Bloomberg ka dhuruar miliona për çështjet e hebrejve në SHBA dhe Izrael.
Ai është një nga mbështetësit e fortë të shtetit të Izraelit të cilin e ka vizituar shumë herë.
Vitin e shkuar dhuroi 6.5 milion USD për shërbimin e urgjencës në Jerusalem që mban emrin e babait të tij.
Në kohën e vizitës së tij ai shkoi në qytetin jugor Sderot, duke shprehur solidaritetin me komunitetin që u sulmua nga palestinezët.
Çdo vit, që kur u zgjodh kryebashkiak i Nju Jorkut, Bloomberg jepte shpesh pritje me ushqim kosher duke përkujtuar tradhëgiminë hebreje. /tesheshi.com/
