Presidenti amerikan Joe Biden iu nënshtrua një kontrolli të rregullt mjekësor në shkurt dhe të premten u konfirmua se i ishte hequr karcinoma e qelizave bazale.
Lezioni që u hoq nga gjoksi i Presidentit Joe Biden muajin e kaluar ishte kancerogjene, tha mjeku i Shtëpisë së Bardhë Dr. Kevin O’Connor.
“Siç pritej, biopsia konfirmoi se lezioni i vogël ishte karcinoma e qelizave bazale,” tha O’Connor.
Shtëpia e Bardhë deklaroi se vendi ku u krye biopsia është shëruar dhe se presidenti amerikan do të vazhdojë mbikëqyrjen dermatologjike si pjesë e programit të tij gjithëpërfshirës shëndetësor.
Gjithashtu u tha se Biden nuk do të ketë nevojë për trajtim të mëtejshëm pasi indi kanceroz është hequr plotësisht.
O’Connor shpjegoi se lezionet e karcinomës së qelizave bazale nuk kanë tendencë të përhapen ose të metastazojnë, siç bëjnë kanceret më serioze të lëkurës si melanoma ose karcinoma e qelizave skuamoze.
“Ata megjithatë kanë potencialin për t’u rritur në madhësi, duke rezultuar në një problem më të rëndësishëm, si dhe në rritje të sfidave për heqjen kirurgjikale,” tha O’Connor. /tesheshi.com/
