Emergjencat civile bëjnë me dije se janë duke monitoruar situatën në të gjithë vendin, për të evidentuar dhe zgjidhur problemet e shkaktuara nga reshjet e rëna gjatë ditëve të fundit. Deri në këto momente raportohet se akset kombëtare e rurale janë të hapura, ndërsa në Kukës dëbora ka arritur në 7 cm, në Tropojë 10 cm e në Krumë 8 cm.
Në rrugën e Kombit qarkullohet pa problem, ndërsa mungon energjia elektrike në fshatin Shupenzë. Aktualisht të gjitha hidrovoret janë në punë por shqetësuese është situata sa i takon lumit Osum, i cili po afrohet në nivele kritike.
Vështirësi qarkullimi ka pasur në aksin Librazhd-Përrenjas, ku ka rënie intertesh në rrugë. Edhe në lumin Devoll është vënë re rritje e nivelit të ujit
Qarkullimi i automjeteve në Pukë është vështirësuar për shkak të ngricave ndërsa deri në këto momente në kryeqytet nuk raportohen probleme apo banesa të përmbytura. Emergjencat civile vijojnë të monitorojnë situatën./tesheshi.com/
