Policia thotë se po heton rastin e shfaqjes së problemeve shëndetësore të afro 50 personave, të cilët ishin pjesëmarrës në mitingun e PD-së, të shtunën në kryeqytet.
Ata u paraqiten në ambientet e QSUT-së me simptoma të ngjashme si djegieje në sy e skuqjeje në lëkurë dhe në pjesët e sipërme të trupit. Sipas informacioneve spitalore, vetëm tre tyre janë mbajtur për një trajtim më intensiv.
Deri më tani nuk është thënë asgjë në lidhje me shkaqet. Por policia thotë se po e heton rastin. Ky mbahet si një rast i pazakontë dhe që hedh plot dyshime. Megjithatë, nga selia e demokratëve nuk ka ndonjë qëndrim që mund të çojë në implikime politike. /tesheshi.com/
