Kryeministri i Kosovës Ramush Haradinaj deklaroi se “Serbia nuk guxon të dërgojë forcat e saj në Kosovë”.
Nëse kjo do të ndodhte, shtoi ai, Kosova do mbrohet nga amerikanët.
“Serbia nuk guxon të dërgojë trupat e saj në Kosovë. Vetëm një ushtar amerikan do të ishte i mjaftueshëm, pasi SHBA do të na mbështesë në situata të tilla”, tha Haradinaj.
Nga ana tjetër, ministri i Jashtëm Behgjet Pacolli ka falënderuar ambasadorin e ri amerikan në Prishtinë, Philip Kosnettu për mbështetjen e “siguruar në transformimin e Forcës së Sigurisë së Kosovës në ushtri të Kosovës”.
“Në momentet më kritike, gjithmonë mbështetja e Shteteve të Bashkuara ka ndryshuar gjërat”, shkroi ai Pacolli në profilin e tij në Facebook.
Ndërsa kryetari i Kuvendit Kadri Veseli që po viziton SHBA-në, është në kërkim të një mbështetje të fuqishme për themelimin e ushtrisë, planifikuar për më datë 14 dhjetor.
“Falë kësaj mbështetje, Forca e Sigurisë së Kosovës kanë arritur standardet më të larta profesionale dhe për disa ditë do të shndërrohet në një ushtri të Kosovës. Kosova e ka për krenari miqësinë e saj të shenjtë me Shtetet e Bashkuara”, shkroi Veseli. /tesheshi.com/
