Presidentja Atifete Jahjaga, kryeministri Isa Mustafa dhe përfaqësues të Opozitës në Prishtinë ngushëlluan familjarët e viktimave të përmbytjeve në Tetovë si dhe qeverinë e Maqedonisë.
Kryeministri Mustafa, i dërgoi një telegrami homologu maqedonas ku shpreh keqardhjen e thellë për vërshimet me pasoja në njerëz, që kanë ndodhur në qytetin e Tetovës, në Maqedoni.
Ai shpreh edhe gatishmërinë e plotë të Qeverisë së Kosovës, që të ofrojë çdo lloj ndihme brenda mundësive të saj në tejkalimin e kësaj situate.
Edhe presidentja e Kosovës, Atifete Jahjaga ngushëlloi familjarët në emër të qytetarëve të Kosovës dhe institucioneve të saj.
“Në këto çaste të dhimbjes së thellë, populli dhe institucionet e Kosovës janë me familjet e atyre që humbën jetën, në vërshimet dhe përmbytjet e rënda që goditën qytetin e Tetovës”, thuhet në letër.
Kryetari i AAK-së, Ramush Haradinaj, ftoi qytetarët shqiptarë të tregojnë edhe njëherë solidaritetin e tyre dhe t’u daliin në ndihmë qytetarëve të prekur nga kjo fatkeqësi në një mesazh për Tetovën. /tesheshi.com/
