Prishtina është tronditur nga një ngjarje e rëndë dhe jo e zakontë kriminaliteti për kryeqytetin kosovar
Shtetasja 33-vjeçare Liridona Murseli, bashkëshortja e ish-këshilltarit të presidentit Behgjet Pacolli, Naim Murseli, mbeti e vrarë pas disa të shtënave në rrugën “Dalip Alshiqi”, siç thuhet, gjatë një tentative grabitjeje nga dy persona të maskuar.
Ngjarja dyshohet të ketë ndodhur gjatë kohës kur jetëhumbura bashkë me burrin dhe fëmijët ndodheshin
në makinë, kur papritmas u kanë kanë bërë pritë me makinë disa grabitës.
Familja Murseli dyshohet se u përball fillimisht me grabitësit, të cilët u morën sendet me vlerë që kishin në makinë. Më pas janë regjistruar të shtënat me armë zjarri, si pasojë e të cilave ka mbetur e pajete 33-vjeçarja.
Siç ka deklaruar bashkëshorti i viktimës para hetuesve policorë, hajdutët fillimisht iu kanë kërkuar gjërat me vlerë, duke marrë paratë dhe telefonat.
Kjo situatë e tmerrshme dyshohet se e detyroi Murselin që t’i largojë fëmijët nga vetura, por aty mbeti bashkëshortja e tij, e cila fatkeqësisht u vra me armë zjarri.
Në lidhje me ngjarjen e rëndë reagoi edhe vetë, kryetari i Aleanca Kosova e Re, Behgjet Pacolli.
“Lajm i tmerrshëm për tragjedinë në familjen e Naim Murselit. Dhimbjen time e ndaj me familjen e të ndjerës Liridona”. /tesheshi.com/
