Kryeministri Avdullah Hoti tha në Uashington do shkohet për projektet ekonomike me Serbinë, duke mos potencuar kauzën e njohjes së ndërsjelltë.
“Presim të rifillojmë procesin e dialogut. Fokusi siç është bërë e ditur nga zyrtarë të administratës amerikane do të jetë në bashkëpunimin ekonomik në mes të dy vendeve.
Tani, bashkë me ministrin e Infrastrukturës dhe kabinetit qeveritar jemi duke i zhvilluar idetë tona, projekte madhore infrastrukturore që e ndryshojnë komplet peizazhin ekonomik në Kosovë dhe në krejt rajonin.
Janë disa projekte që unë besoj që për një periudhë afatmesme do ta kthejnë Kosovën në qendër të aktivitetit ekonomik në nivel të rajonit”, tha Hoti pas një vizite që i bëri Komunës së Pejës.
Ndërkohë, një ditë më parë, ai morrinjë letër vlerësuese nga Sekretari i Shtetit Pompeo, në të cilën lihej e kuptuar se qëllimi i takimit të 27 qershorit në kryeqytetin amerikan, pikërisht në Shtëpinë e Bardhë, do ishte synimi për arritjen e njohjes së ndërsjelltë. /tesheshi.com/
