Prishja e godinës së vjetër të TK-së, për t’u ndërtuar një e re në vend të saj, ishte dhe një goditje e rëndë politike për presidentit Meta, të cilin Rama e injoroi në të gjitha inisiativat e tij dukshëm politike, për ta futur në hullitë juridike të Kushtetueses.
Kjo është lexuar qartë në një mesazh të fundit të kreut të shtetit, plot nerv, ku mbështet një ide për hetim ndërkombëtar.
“Mbështes fuqimisht një hetim ndërkombëtar për shkatërrimin antikushtetues, të paligjshëm dhe në mënyrën më antieuropiane të Teatrit Kombëtar.
Gati të bashkëpunoj me Aleancën për Mbrojtjen e Teatrit, si dhe me çdo institucion europian dhe ndërkombëtar për Kulturën.
Europa dhe bota demokratike po e kupton edhe me qartë se ç’po ndodh këtu.
Mos iu përgjigjni dhunës me dhunë, por me besim te Demokracia dhe Triumfi i saj mbi talebanizmin dhe oligarkinë”, shkruan Meta. /tesheshi.com/
