, kreu i Unionit të Gazetarëve Shqiptar ka prishur sot një takim të organizuar nga AMA me disa organizata me temë diskutimin për lirinë e medias dhe të drejtat e gazetarëve.
I ardhur nga Struga ku mori pjesë në një samit gazetarësh ballkanikë, Aleksandër Çipa i ka quajtur tryeza të tilla si “cinike” në një kohë kur sipas tij, gazetarët shqiptarë sulmohen, poshtërohen, nuk marrin rogat dhe përdoren si skllevër. “Për shkak se organizatorët e këtij takimi nuk kanë përfshirë në axhendë, shoqatën më të madhe të gazetarëve, në respekt të tyre, e braktis takimin dhe meqënëse këto çështje ne i kemi ezauruar në deklarata, qendrime e mbledhje në Komisionin e Medias, mendojmë se të kontsatuarit nuk vlen më në Shqipëri.
Për të ndryshuar gjendjen e gazetarëve duhen aksione konkrete dhe ju po ftoni ata që kanë heshtur”, ka pohuar Çipa në sallën e Rogner. /tesheshi.com/
