Këtë fundjavë, britanikët janë në pritje të festimeve të bebes së re mbretërore, e ndërkohë, në Shtetet e Bashkuara po qarkullon një lajm sensacional, që së fundi ka dalë edhe në median spanjolle dhe në vende të tjera të Evropës. Dhe lajmi është se Princi William nuk paska qenë fëmija i parë i Princesha Dianës dhe se ai ka ka një “motër të fshehtë” e cila është aktualisht 33 vjeç dhe quhet Sara. Kjo vajzë jeton e fshehur në një qytet të vogël të Shteteve të Bashkuara, New England.
Po si ka ndodhur kjo gjë kur vetë William erdhi në jetë vetëm 11 muaj pas martesës së prindërve të tij në qershor të vitit 1982? Përgjigjia sipas këtij lajmi sensacional është se në dhjetor të vitit 1980, Ledi Diana Spenser, në atë kohë një virgjëreshë 19-vjeçare, u urdhërua nga Mbretëresha për t’iu nënshtruar një testi gjinekologjik për të vërtetuar fertilitetin e saj. Dhe vetëm pas këtij vërtetimi do të vendosej edhe martesa.
Gjatë këtyre testeve, sipas historisë, vezët e Dianës u morrën dhe u fertilizuan me spermën e Princit Charls. Testi doli i sukseshëm dhe më pas u njoftua edhe fejesa e saj me Princin. Pas kësaj u dha urdhër për shkatërrimin e embrionit. Por ndërkohë një nga mjekët që mori pjesë në kontrollin gjinekologjik të Dianës thuhet se e mbajti embrionin dhe e “mbolli” te e shoqja, e cila nuk e dinte një gjë të tillë dhe në këtë mënyrë ajo u bë mamaja e fëmijës së Charlsit dhe Dianës.
Vajza lindi në tetor të vitit 1981, tetë javë pas dasmës së Charlsit dhe Dianës dhe tetë muaj para lindjes së Princit William. Po ka edhe më. Në moshën 20-vjeçare prindërit e saj humbën jetën në një aksident automobilistik dhe ajo hasi në një ditar në të cilin mësoi të vërtetën e saj. Sipas vetë deklaratave të saj. ajo u përpoq që të zbulonte origjinën e embrionit për të kuptuar se cila ishte në të vërtetë, por dy vjet më parë mori një mesazh në të cilin i kërkohej që të mos vazhdonte më kërkimet për identitetin e saj.
Që nga ajo kohë ajo jeton e fshehur. Ky është rrëfimi i jashtëzakonshëm që na kërkohet ta besojmë, sipas disa mediave. Edhe pse mund të duket paksa fantastiko-shkencor, a ka ndonjë shans që ai të jetë sadopak i vërtetë? A kemi të bëjmë vetëm me një thashethem të rëndomtë, apo me një teori konspiracioni mirë të stisur? Pritet që shumë shpejt të ketë të reja…
