Shitjet e makinave në Evropë ranë në mënyrë drastike në prill pasi kufizimet e koronavirusit në rajon mbyllën tregun dhe ndaluan prodhimin dhe shitjet, sipas të dhënave të fundit nga industria e makinave.
Regjistrimi i makinave të reja në Bashkimin Evropian ra me 76.3 përqind në muajin prill, krahasuar me të njëjtin muaj një vit më parë, sipas të dhënave nga Shoqata Evropiane e Prodhuesve të Automjeteve (ACEA), raporton portali i biznesit BiznisInfo.
“Muaji i parë i plotë me kufizime të vendosura për shkak të COVID 19 rezultoi në rënien më të fortë mujore të kërkesës së automjeteve që prej fillimit të regjistrave,” tha ACEA, duke shtuar se numri i makinave të reja të shitura ra nga 1.143.046 në prill 2019 në 270.682. muajin e kaluar.
Rënia më e madhe është në Itali dhe Spanjë
Secili nga 27 tregjet e BE pati rënie dyshifrore në prill, por Italia dhe Spanja pësuan rënie më të mëdha, me regjistrimet e makinave duke rënë përkatësisht 97.6 përqind dhe 96.5 përqind.
Në Gjermani, shitjet ranë 61.1 përqind, dhe Franca pati një rënie prej 88.8 përqind në prill.
Në Mbretërinë e Bashkuar, e cila nuk përfshihet më në shifrat e BE-së, shitjet e makinave ranë 97.3 përqind. /tesheshi.com/
