Kanadaja ndaloi eksportin e dronëve në Turqi pasi arriti në përfundimin se pajisjet u përdorën nga forcat azerbajxhanase që luftonin Armeninë në Nago-Karabak, tha ministri i Jashtëm Marc Garneau.
Reuters raporton se Garneau tha se përdorimi i tillë ishte në kundërshtim me politikën e jashtme kanadeze, si dhe garancitë e dhëna më parë nga Turqia dhe shtoi se ai kishte shprehur shqetësimin gjatë ditës në bisedimet me ministrin e Jashtëm turk Mevlut Cavusoglu.
Agjencia tha se Ottawa pezulloi lejet tetorin e kaluar në mënyrë që të merrte parasysh pretendimet se dronët azerbajxhanas të përdorur në konflikt ishin të pajisur me sisteme regjistrimi dhe shënjestrimi të bëra nga një degë kanadeze e L3Harris Technologies.
Raportohet se Ministria Turke e Punëve të Jashtme njoftoi vendimin e Kanadasë më herët, duke konfirmuar se Cavusoglu i bëri thirrje Kanadasë të rishikojë kufizimet për industrinë e saj të mbrojtjes dhe shprehu shqetësimin mbi pozicionin e vendit ndaj eksporteve në Turqi. /tesheshi.com/
