Presidentja e Kroacisë, Kolinda Grabar-Kitaroviç, kërkon që të ribëhet edhe njëherë procesi gjyqësor ndaj kreut të paramilitarëve serb Vojislav Sheshel.
Kreu i shtetit kroat i ka shkruar një letër Sekretarit të Përgjithshëm të OKB-së, Ban Ki Moon, ku thekson se pafajësia që u dha për Vojislav Sheshelin në Gjykatën e Hagës është një “vulë turpi”.
Në letrën e saj, Grabar-Kitaroviç thekson “se vendimi i shkallës së parë të Gjykatës Ndërkombëtare për krime luftë do të ndalojë procesin e pajtimit mes serbëve dhe kroatëve, por edhe më gjerë në Ballkan dhe gjithë Europën Juglindore”.
Presidentja kroate i ka sjellë kreut të OKB-së argumente të forta sipas saj, ku “dëshmitarët e procesit ndaj Sheshel janë kërcënuar, blerë apo edhe prishur provat”.
“Nuk presim vetëm që Serbia të bashkëpunojë plotësisht me Gjykatën e Hagës, por gjithashtu duhet që edhe dëshmitarët të trajtohen siç duhet dhe jo si në rastin e procesit siç duhet. Ndërkaq Gjykata duhet të ngrejë padi edhe ndaj të akuzuarve të tjerë në këtë proces.
Vendimi është i rrezikshëm dhe precedent për të gjitha konfliktet e armatosur në Ballkan,pasi gjenocide dhe spastrimi etnik, u cilësuan objektiva ushtarake”, shkruan në letrën e saj presidentja kroate./tesheshi.com/
