Auto Dak
Auto Dak
Auto Dak

Presidentja e FMN: Bota duhet të përgatitet për rritjen e normave të interesit

Presidentja e Fondit Monetar Ndërkombëtar (FMN), Kristalina Georgieva, deklaroi se është e nevojshme që me shumë kujdes të tërhiqet mbështetja politike e dhënë në luftën kundër pandemisë së virusit Corona, dhe se bota duhet të përgatitet për rritjen e normave të interesit.

Georgieva foli përmes videokonferencës për gjendjen e ekonomisë globale në një konferencë të organizuar nga Instituti i Universitetit Evropian.

Duke theksuar se ekonomia globale filloi të përmirësohej në prill, Georgieva tha se ekonomitë e Shteteve të Bashkuara të Amerikës dhe Kinës janë “dy motorë që punojnë shumë”.

Ajo shtoi se pret që Bashkimi Evropian të arrijë me këto dy ekonomi tashmë në muajt e verës, falë vaksinimit, duke vënë në dukje se ajo beson se rimëkëmbja do të përshpejtohet.

Shërim i pabarabartë

Duke kujtuar se ekonomia globale pritet të rritet me 6 përqind këtë vit dhe me 4.4 përqind vitin e ardhshëm, Georgieva theksoi se rimëkëmbja e pabarabartë midis vendeve mbetet një problem serioz.

Ajo gjithashtu theksoi se është e pashmangshme që mbështetja politike e ofruar në luftën kundër pandemisë do të tërhiqet, duke shtuar se është shumë e rëndësishme që kjo të kryhet me shumë kujdes.

“Ne duhet të përgatitemi për rritjen e normave të interesit. Eshtë veçanërisht e rëndësishme të monitorohen normat e interesit në Shtetet e Bashkuara sepse atje ka një lëvizje të konsiderueshme”, tha Georgieva.

Siç deklaroi ajo, vendet që ende nuk po regjistrojnë rritje dhe të cilat kanë akumuluar borxhe, mund të gjenden në një situatë shumë të vështirë në një mjedis të mundshëm të rritjes së normave të interesit.

Duke komentuar mbi diskutimet mbi heqjen e të drejtave të pronësisë intelektuale për vaksinat kundër COVID-19, Georgieva theksoi se ka argumente të forta ekonomike për heqjen e pengesave në prodhimin dhe shpërndarjen e vaksinave, por që heqja e të drejtave të pronësisë intelektuale duhet të shoqërohet me masa të tjera. /tesheshi.com/

auto pjese dak

Related posts