Beteja e Dilma Rousseff-it ka rezultuar deri tani e pasuksesshme. Një votim i senatit brazilian e ka pezulluar atë për 180 ditë, duke e dërguar në gjykatë. Për ta zëvendësuar me zëvendëspresidentin Michel Temer.
E para presidente e Brazilit, në detyrë që nga viti 2011, ajo ka zgjedhur t’u drejtohet mbështetësve të saj pas vendimit të senatit, e ndonëse me zë të dridhur, ka lëshuar akuza të forta.
Rousseff e ka quajtur veten viktimë të një farse politike dhe të një farse ligjore. Për të, gjithçka është një grusht shteti!
“Kur një presidente e zgjedhur pezullohet për shkak të një krimi që nuk e ka kryer, emri që ne i japim nuk është dërgim në gjykatë, por grusht shteti!”
“Unë mund të kem bërë gabime, por nuk kam kryer asnjë krim. Grushti i shtetit kërcënon të zhbëjë fitoret e vërteta të dekadës së fundit,” kanë qenë fjalët e presidentes së pezulluar.
Nisja e procedimit ligjor dhe pezullimi i presidentes së Brazilit i jep fund qeverisjes 13-vjeçare të Partisë së Punëtorëve. 55 do të ishin votat pro, dhe 22 kundër, në votimin në senat për ta dërguar atë në gjyq. /tesheshi.com/
