Presidenti Thaçi u takua me mbretin Al-Hussein të Jordanisë, me ftesë të të cilit po qëndron në këtë vend.
Kreu i shtetit kosovar ka falënderuar mikëpritësin për njohjen dhe përkrahjen e vazhdueshme të Jordanisë për shtetin e Kosovës, duke kërkuar që të thellohet edhe më shumë bashkëpunimi në mes të dy vendeve, sidomos në fushat të cilat janë në interes të dyanshëm.
“Vendet tona ndajnë interesa dhe prioritete të njëjta për paqe të qëndrueshme, për zhvillim dhe bashkëpunim në fushën e sigurisë. Në këtë drejtim është e domosdoshme thellimi i bashkëpunimit të mëtutjeshëm në përgjithësi, në veçanti në fushën e sigurisë”, ka thënë Thaçi.
Kurse mbreti i Jordanisë, vlerësoi si të domosdoshme në thellimin e bashkëpunimit në fusha të ndryshme, si në atë të arsimit, kulturës dhe të sigurisë.
Gjatë ditës, presidenti Thaçi ka marrë pjesë edhe në hapjen e Forumit Ekonomik Botëror për Lindje të Mesme dhe Afrikë të Veriut, që këtë vit organizohet nga Mbretëria Hashemite.
Aty Thaçi ka zhvilluar takime me shumë krerë të shteteve të ndryshime të botës, me të cilët ka biseduar për promovimin dhe konsolidimin e mëtutjeshëm të Kosovës. /tesheshi.com/
