Presidenti polak Andzrey Duda ka njoftuar se nuk do të marrë pjesë ceremoninë përkujtuese në Izrael me rastin e 75-vjetorit të çlirimit të kampit të Aushvicit në Poloni, pasi nuk do të lejohet të flasë me këtë rast, ndryshe nga presidentët e Rusisë dhe Gjermanisë.
Duda nuk është në listën e folësve në Forumin Botëror të Holokaustit, që do të mbahet më 23 janar në Jeruzalem në Yad Vashem, Qendra Memoriale e Holokaustit.
Ai shprehu shqetësimin për deklaratat e fundit të presidentit rus Vladimir Putin duke sugjeruar se Polonia ishte pjesërisht përgjegjëse për Luftën e Dytë Botërore.
Lufta filloi zyrtarisht në shtator 1939, kur Gjermania naziste pushtoi Poloninë.
Pas kësaj, Bashkimi Sovjetik aneksoi një pjesë të Polonisë Lindore, si pjesë e një pakti jo agresiviteti me Gjermaninë naziste. /tesheshi.com/
