Kreu i shtetit shqiptar, Bujar Nishani, ka shfrytëzuar pritjen e tij korteziale në kuadër të festës së Pavarësisë për të përcjellë disa mesazhe, sidomos për politikën. Në dukje ai e ka çuar gjuhën atje ku dhemb dhëmbi i gjithëkujt në Shqipëri: drejtësia.
Por deklarata e tij nuk ka qenë dhe aq qartësisht e drejpërdrejtë.
Po të lexohet me vëmendje, janë fraza të cilat të lënë të kuptosh se tek fjalët e tij është shënjestruar edhe mazhoranca e sotme me të cilën ai nuk ka mundur të vendos paqe, që kur ajo erdhi në pushtet më 23 qershor.
“Duke respektuar pavarësinë e secilit insitucion, është e vetmja mënyrë që të funksionojë harmonia e institucioneve. Të drejtojmë drejtësinë, të marrë fund koha kur padrejtësitë e mëdha i bëjnë ata që pretendojnë se bëjnë drejtësi. Përmes dekriminalizmit t`i japim fund strehimit të kriminaleve, t`i japim debatit politik sensin frymëdhënës me rregulla qytetare, kulturë demokratike dhe pluraliste”, deklaroi ndër të tjera kreu i shtetit.
/tesheshi.com/
