Presidenti i Barcelonës, Josep Maria Bartomeu ka thënë në një intervistë me ESPN se Barcelona është duke përgatitur një kontratë të re për Lionel Messi, në mënyrë që deri në fund të karrierës së tij të mbetet në Camp Nou.
Argjentinasi, në fund të vitit 2017 ka nënshkruar një pagë rekord prej 50 milionë euro në vit, e kjo deri në vitin 2021, por në Barcelonë duan një siguri shtesë.
“Lionel po thyen të gjitha kufijtë, të gjithë e admirojnë atë, madje edhe tifozët rivale. Ideja është që t’i ofrojmë atij një kontratë të re”, tha Bartomeu ka shtuar:
“Messi është ende i ri, ne të gjithë e shohim se sa shumë mund të japë dhe ka vetëm dy vjet deri në fund të kontratës. Leo vazhdimisht përparon, dhe unë besoj se ka ende shumë vite të suksesshme përpara.”
Një nga lojtarët më të mirë të të gjitha kohërave ka ardhur në Barcelonë kur ishte 13 vjeç.
Me fanellën e gjigantin katalan ai ka fituar 32 trofe. Ai ka thyer një seri rekordesh dhe është bërë golashënuesi më i mirë në historinë e klubit me 594 gola në takimet zyrtare.
“Messi ka ndryshuar të gjithë kuptimin e Barcelonës. Ne do të donim që të qëndrojë në klub deri në përfundimin e karrierës”, ka theksuar është presidenti i Barcelonës.
Bartomeu shtoi se klubi ngadalë përgatitet për “jetën pas Messit. /tesheshi.com/
