Aleksander Ceferin, presidenti i UEFA-s, vuri në dukje se Ukraina ose Izraeli do të ndërlikonin më tej kërcënimet e sigurisë gjatë EURO 2024.
Përkatësisht, ai tha se ishte i shqetësuar për sigurinë gjatë Kampionatit Evropian, i cili do të mbahet në Gjermani këtë verë.
Në një intervistë për British Telegraph, Ceferin tha: “Në kohë të çmendura, ku bota gjeostrategjike është çmendur, shqetësimi më i madh është siguria”, tha Ceferin, duke theksuar se deri më tani është takuar dy herë me ministrin e Brendshëm të Gjermanisë.
“Frika nuk ka të bëjë me stadiumet. Ato do të jenë të sigurta dhe të mbrojtura siç duhet. Megjithatë, tifozët do të jenë në qytete. Le të jemi optimistë dhe mendoj se gjithçka do të jetë mirë me mbështetjen e autoriteteve gjermane. Ato janë të vendosura të ndihmojnë UEFA-n”.
Kampionati Evropian i Futbollit do të mbahet nga 14 qershori deri më 14 korrik 2024 në Gjermani. /tesheshi.com/
