Presidenti i Filipineve, Rodrigo Duterte, i cili është kritikuar prej vitesh nga kompani të shumta për tutelën e të drejtave njerëzore për shkak të metodave me të cilat që kur ishte kryebashkiak është përballur me problemin e kriminalitetit, ka paralajmëruar Barack Obamën që të mos ndërhyjë në çështjet e shtetit të tij pasi në të kundërt “do ta paguajë”. Ky paralajmërim ka ardhur para mbajtjes së samitit të ardhshëm të vendeve të Azisë Lindore në Laos, ku është planifikuar një takim mes dy liderëve.
Kështu i është përgjigjur Duterte pyetjes së një reporteri se si do t’ia shpjegonte Obamës numrin e lartë të vrasjeve pa gjyq të ndodhura në vend. Sipas një dokumenti të qeverisë së Manilas, gjatë dy muajve të fushatës në “luftën kundër drogës” që ka nisur në vend nga Duerte, policia filipinase ka vrarë mbi 2 mijë të dyshuar në përfshirje të shpërndarjes ose trafikimit të drogës.
Duerte ka nënvizuar ndër të tjera se është shteti i një vendi sovran dhe se ka për detyrë t’i përgjigjet vetëm popullit të Filipineve. /tesheshi.com/
