Presidenti çek, Milos Zeman, mbiemri i të cilit të kujton ish-trajnerin e Lacios, Zdenek Zeman, ka lëshuar të tjera deklarata alla Donald Trump. Së fundi ai ka akuzuar atë që e quan “kulturë islamike” për sulmet e natyrës seksuale në Këln të Gjermanisë nga një kontigjent refugjatësh, duke thënë integrimi i myslimanëve në kulturën e Perëndimit është praktikisht i pamundur.
“Eksperienca e shumë shteteve të Europës perëndimore tregon se ato kanë geto, kanë zona të vetat të shkëputura nga të tjerët, krejtësisht të veçuara. Kjo për mua është dëshmi e faktit se komuniteti mysliman nuk integrohet. Ndaj them, lërini ta ndjekin kulturën e tyre në vendet e veta dhe të mos e sjellin në Europë, përndryshe do të përfundojmë të gjithë si Këlni”, tha Zeman.
Zeman është ndër më të aashpërit kundër valës së emigrantëve në Europë, të cilët nuk ngurron t’i fus të gjithë me një thes dhe t’i skicojë si islamikë në mënyrë pezhorative. /tesheshi.com/
