Kryeministri britanik Boris Johnson i ka dërguar një letër Bashkimit Evropian duke i kërkuar shtyrjen e Brexit, por gjithashtu dërgoi një mesazh tjetër duke thënë se ai personalisht nuk e do zgjatjen.
Johnson e detyroi një ligj i miratuar nga kundërshtarët e tij muajin e kaluar për të kërkuar një zgjatje të afatit aktual të Brexitit nga 31 tetor në 31 janar, e kjo pasi ligjvënësit të shtunën parandaluan përpjekjen e tij për të miratuar një marrëveshje që e largon nga Bashkimi Evropian.
Një burim qeverie tha se Johnson i kishte dërguar gjithsej tre letra Donald Tusk, presidentit të Këshillit Evropian: një fotokopje të ligjit, të njohur si Ligji i Bennit, duke e detyruar që ta shkruaje atë, i ndjekur nga një i dërguar britanik në BE, dhe një letër e tretë në të cilën thotë se nuk është për zgjatjen e afatit.
“Unë e kam shprehur qartë, që nga mandatimi si kryeministër dhe sot në Parlament, se shtyrja e mëtejshme e Brexit do të dëmtonte interesat e Mbretërisë së Bashkuar dhe partnerëve tanë të BE-së, si dhe marrëdhëniet midis nesh”, tha Johnson në një letër të tretë.
Johnson tha se ai ishte i sigurt se procesi i miratimit të legjislacionit të Brexit në parlamentin britanik do të përfundonte përpara 31 tetorit, thuhet në letër.
Tusk konfirmoi se ai kishte pranuar kërkesën e Johnson.
“Tani do të filloj konsultimet me krerët e BE-së se si të reagojmë”, tha ai në Twitter.
Johnson më parë kishte premtuar se do ta nxirrte vendin nga Bashkimi deri më 31 tetor, dhe më mirë do të ishte të gjendej “i vdekur në gropë” sesa të kërkojë ndonjë zgjatje, pa shpjeguar se si do ta bënte këtë ndërsa përputhej me ligjin e Bennit. /tesheshi.com/
