Kryeministri Edi Rama, ashtu sikundër ishte parashikuar në axhendën e takimeve, ka zhvilluar një bashkëbisedim me qytetarët e Vlorës, pas mbledhjes së qeverisë. Madje Rama ka bërë një premtim të fortë, kur tha se Brenda mandatit qeverisës do të ndërtohet aeroporti i Vlorës dhe do të ngrihet edhe avioni i parë.
“Do të çelim rrugën e standardeve më të larta. Një nxitje e fuqishme për Vlorën dhe turizmin, nuk diskutohet që është prioritare aeroporti i Vlorës.
Jemi në proçes me ministrat për ta nxitur me tutje. Tani presim që të përfundoje projekti për të hyrë në një fazë të lidhjes së kontratës dhe ndërtimit.
Ambicia është fluturimi i parë brenda 4-vjeçarit, por kjo është një dëshirë.
Faza tjeter e bregdetit lidh Ujin e Ftohte me Orikumin. Besoj se do të vëmë në lëvizje punën për dy by-passet e Fierit dhe Vlorës.
Po ashtu duhet të përfundojmë punimet për rrugën Kardhiq-Delvinë dhe atë të Lumit të Vlorës”, u shpreh Rama. /tesheshi.com/
