Premier Liga: Nuk befasohet City, përmbys Watford-in

Udhëtimi drejt “Vicarage Road Stadium”-it nuk ka rezultuar edhe aq i lehtë për “qytetarët”, ndërsa atyre u është dashur të djersijnë fort për të regjistruar fitoren e 12-të në këtë sezon, duke i mposhtur 1-2 vendasit e Watford-it.

Madje “citizens”-ët u detyruan ta përmbysin rezultatin, të cilin e kishin diktuar vetë. Kolarov pati shënuar autogol me fillimin e pjesës së dytë, për t’u dhënë avantazhin nikoqirëve.

Mirëpo në skenë dolën edhe njëherë Yaya Toure dhe Sergio Aguero, që me golat e tyre në dhjetë minutat e fundit e përmbysën “gafën” e bashkëlojtarit, për të vazhduar rrugën drejt titullit kampion.

Pas kësaj fitoreje, Manchester City vazhdon të qëndrojë në vend të tretë në klasifikimin e kampionatit anglez, me 39 pikë, ndërsa Watford-i zbret në vendin e nëntë, me 29 pikë. /tesheshi.com/