Rritja e të drejtave televizive në Angli ka ndikuar në rritjen e cilësisë së skuadrave, të cilat nuk kanë kursyer aspak gjatë merkatos së janarit, pa përjashtuar asnjë prej tyre.
Nga 1 janari deri më 1 shkurt, gjatë periudhës në të cilën qe e hapur merkatoja dimërore e transferimeve të lojtarëve, klubet e kampionatit anglez kanë shpenzuar shumë më tepër se ato të pesë kampionateve të njohura europiane, të Spanjës, Italisë, Francës, Gjermanisë dhe Portugalisë.
Transferimi më i shtrenjtë në ishull qe Giannelli Imbula. Futbollisti francez u transferua nga skuadra e
Porto-s tek Stoke City për shifrën e 24.1 milionë eurove.
Në Itali, Roma ka bërë blerjen më të madhe, duke transferuar futbollistin Gerson për shifrën e 12 milionë eurove. Në Francë, Monaco mban primatin, teksa ka shpenzuar 8.5 milionë euro për futbollistin Jemerson, ndërsa në Spanjë, Celta Vigo ka bërë goditjen më të madhe me Claudio Beauvuen-in, që ka kushtuar 3.9 milionë euro.
Ndërkohë, të tëra kampionatet në Europë mbeten nën hijen e ligës kineze të futbollit, që këtë merkato ka “bombarduar” me transferimin e emrave të njohur europianë. Vetëm dyshja Jackson Martinez dhe Aleix Texeria kap vlerën e 100 milionë eurove. /tesheshi.com/
