Londinezët e Chelsea-t u kënaqën me një pikë nga transferta ndaj Watford-it, duke e mbyllur 0-0 përballjen mes tyre.
Në një takim të barazpeshuar, asnjëra prej skuadrave nuk e gjeti rrugën e rrjetës, duke qëndruar pak a shumë në të njëjtat pozita në renditjen e kampionatit anglez. Te Chelsea nuk pati vend për dy ardhjet e reja, Miazga dhe Pato, që do të duhet të presin akoma për të debutuar.
Blutë e Londrës, që drejtohen nga Guus Hiddink, mbeten në kuotën e 29 pikëve, pa dhënë ndonjë shkëndijë të qenësishme se gjërat po marrin për mirë tek ta.
Në takimin e fundit të javës së njëzet e katërt, Everton-i fitoi 3-0 ndaj Newcastle-it. /tesheshi.com/
