Shqipëria është akuzuar vazhdimisht se është eksportuese e krimit dhe mafias në vendet e BE-së. Dhe statistikat nuk gënjejnë, pasi burgjet europiane janë plot me shqiptarë.
Por vitet e fundit është vënë re një “importim” i krimit, nga vendet e Bashkimit Europian.
Rasti i arrestimit të një greku, si i dyshuar për killer me pagesë në Tiranë e ktheu rastin në fenomen. Vrasja mafioze e Devi Kasmit dyshohet të ketë ndodhur për larje hesapesh i porositur nga miku i kthyer në rival, Domart Konjari.
Ky i fundit ka gjetur në treg një nga më specialistët dhe për vrasje dhe “ka punësuar” Efthymiou Efthymious, i cili kreu porosinë.
Por ky nuk është rasti i vetëm. Një rast i tillë ishte edhe killeri i Camoorra-s, Salvatore Letizia.
Përkatësisht, autori i masakrës të majit 2015, përpara fakultetit të Shkencave të Natyrës, ku mbeti i vdekur Mentor Doçi dhe Gerdi Goxhajt.
Ngjarja ndodhi ditën kur Tiranën e vizonte kryeministri serb Aleksandër Vuçiç. Letizia ishte punësuar nga Besnik Sulku për të ekzekutuar Mentor Doçin, të cilin e akuzonte si përgjegjës për vrasjen e të vëllait Durim Sulku në Holandë.
E ashtu si ai, e njëjta porosi dyshohet të jetë dhënë për vrasësin grek, një ish-punonjës i forcave speciale në Greqi. Ai u largua nga policia pas implikimit në trafik droge.
I ardhur pak ditë më parë në Tiranë, greku e ka ndjekur viktimën e tij për mbi dy muaj.
Sipas policisë, greku dhe “preja” e tij kanë debatuar një ditë, derisa mbrëmjen e 29 dhjetorit gjeti momentin për ta vrarë.
Ngjarjet ngjasojnë si dy pika uji, vrasësit janë gjakftohtë, qëllojnë me shumë plumba deri sa të sigurohen për veprimet e kryera.
Në një farë mënyrë, ndërsa në tregun legal të BE-së Shqipëria nuk mund të hyjë pa hapur negociatat, ndryshe është me atë ilegal. Gjithçka është integruar dhe nuk ka as barrierë e as “diskriminim”.
Më të mirët nga Europa vijnë dhe kryejnë porosi në Shqipëri, pas asnjë problem dhe lëvizin rejt lirshëm. Ata nuk kanë nevojë as për “Progres-raport”, as për “axhendë integrimi”.
Gjithsesi, vrasja e Kasmit solli në vëmendje një fenomen të nisur prej dy vitesh ku shumë për bosëve të drogës, të kthyer në atdhe vriten në mënyrë misterioze.
Devi Kasmi ishte ikur nga Spanja në Francë, e më pas u kthye në Shqipëri.
Megjithatë, askush nu hapi dosje për të, por i lanë që të vriten që të zbulohen lidhjet e mëdha…/tesheshi.com/
