Pas anëtarësimit në FIBA (International Basketball Federation) të Kosovës, ka reaguar Federata Serbe e Basketbollit (KSS), e cila ka thënë se Serbia duhet të shmang me çdo kusht ndeshjet me Kosovën.
Pranimi i Kosovës, pavarësisht kundërshtimit nga ana e Serbisë, ishte rrjedhim i anëtarësimit të Kosovës në Komitetin Olimpik Ndërkombëtar, në dhjetor të vitit 2014. “Federata Serbe e Basketbollit shprehet se dot ë bëjë çdo gjë të mundur që të mbrojë klubet serbe dhe lojtarët serb në territorin e Kosovës”,- thuhet në një deklaratë për shtyp të KSS.
Më tej shtohet: “Ne presim që FIBA të marrë seriozisht në konsideratë kërkesën ton për shmangien me çdo kusht të ndeshjeve mes Kosovës dhe Serbisë, si në nivel kombëtar, edhe mes të rinjve, apo kategorive të tjera”.
Më 13 mars FIBA lajmëroi zyrtarisht se Kosova është pranuar si anëtare me të drejta të plota e Federatës Ndërkombëtare të Basketbollit, duke u bërë vendi i 215-të./teshseshi.com/
