Ka rezultuar “i fikur” solidariteti shqiptar me të dëmtuarit nga tërmeti i 26 nëntorit, në rastin e disa përballjeve me fokus bamirësie në “Air Albania Stadim”.
Shqipëria, Italia, Greqia dhe Turqia e mesviteve 2000, u mblodhën për të dhënë spektakël nostalgjie, ku i vetmi qëllim ishte që me të ardhurat nga biletat e shitura t’u vihej në ndihmë të pastrehëve nga tërmeti, por Air Albania u mbush përgjysëm, me vetëm 6100 bileta të shitura.
Ishte kjo një shije e keqe e lënë në sfondin e një fatkeqësie me përmasa kombëtare, ku ajo që e zbuti dhimbjen e orëve apo ditëve të para të pas-tërmetit ishte pikërisht solidariteti masiv i treguar ndër shqiptarë.
Por ai duket se është shuar, ku as kënaqësia e të qënir në Air Albania për të parë yjet e dikurshme e jo thjesht kontributi me një biletë, nuk ka mjaftuar për t’i mbushur ulëset e stadiumit. /tesheshi.com/
